Ledicia Costas gaña, co poemario Ultraluz e baixo o lema Kodama, a XX edición do Premio de Poesía Afundación. O xurado considerou que este libro de poemas é «un exercicio de claridade e autenticidade poética cunha decidida vontade de achegar os mundos fantásticos ao noso bosque, logrando unha interacción entre as referencias ao anime e á ciencia ficción. Hai unha interpelación ao lector como axente activo convidándoo a entrar nese mundo de frescor infantil que mestura o abraio e o sombrizo».